Boy Pick Up

History Mana-mana Day 04-Dec 28, 2011 http://histokritiks.blogspot.com/

Ako'y isang henyo, dahil sa mahilig ako humukay ng pagkatao ng iba, alamin ang bawat istorya at kaganapan sa ating mundong nakalipas ito'y aking sisimulang isulat at ipalaganap sa lahat.

Kilala mo ba si Boy Pick Up? yung laging pinapalakpakan at nananalo sa Pick Up Battle dahil sa tulong ni Bodie Cruz ang lalaking laging nasa likod ni Boy Pick Up. Herminio Jhay Alcasid, Jr. ang tunay na pangalan ni Ogie "Eric Ordoñez" Alcasid na kilala ngayon as Boy Pick Up. Napakaswerte niya no? kung hindi dahil kay Michael V. wala siguro sila ngayon sa Bubble Gang. Bukod sa magaling sila umarte, si Ogie magaling kumanta, si Michael V. magaling magpatawa kaya parang nagkahawaan ang dalawa. Sa tagal ba naman nila magkasama sila na talaga ang makikita mo sa kahit anong comedy programs, simula pa noong nasa ABS-CBN's Mana Mana, napunta sila sa ABC's Tropang Trumpo tapos kinuha sila ni Douglas Quijano ng GMA Network para samahan si Wendell Ramos at Antonio Aquitania at para matalo ang Bubble Gang Just chew it! sa kalabang Tropang Trumpo. Kaya ngayon itong Bubble Gang ang longest-running gag show in Philippine television dahil sa galing ng dalawa mang-gaya ng Tv Commercials, Celebrities at Politicians. Hinihintay ko nga gayahin ni Michael V. si Renato Corona eh.

Bukod sa sumikat siya sa kantang "Nandito Ako" kasama din niya sa pagsikat si Michael V. sa palabas na Mama's Boys. Ang last movie na pinasikat nila ngayon ay ang "Yaya and Angelina: The Spoiled Brat Movie". Dati naisip ko kung sakaling mawala ang Tito, Vic and Joey sa Eat Bulaga sino kaya ang papalit? Pwedeng Michael V, Ogie at Francis M. di ba? kaya lang wala na si Francis. Sa bagay nandiyan naman si Jose Manalo. Siguradong nakakatawa yun di ba pag-pinagsama yung tatlo Ogie Alcasid na (2000, 2004, 2006, 2007, 2008 & 2010) Winner, PMPC Star Awards for TV Best Comedy Actor, Michael V. at Jose Manalo na sigurado naman ako na napatawa na kayo nila. Hindi naman pwedeng Moymoy palaboy ang maging Main Host ng Eat Bulaga, kadiri di ba? :D

Basta ngayon ienjoy na lang at pasalamat tayo na nandiyan pa ang T.V.J at manood na rin tayo lagi ng Bubble Gang kahit wala na ang mga nagsesexyhang Francine Prieto, Diana Zubiri at Ara Mina nandiyan naman si Sam Pinto. Huwag kayo manonood ng Banana Split, Korni yun. :D Subaybayan at Suportahan na rin natin ang The Songbird and the Songwriter, first anniversary nila noong December 22, 2010. Ang swerte talaga ni Ogie, may Regine "Songbird" Velasquez pa ang babaeng magaling kumanta. gusto ko rin nun. Idol ko rin si regine bukod sa kinover niya ang isa sa mga kanta ng The Beatles, malakas din ang benta ng album niya na  "Listen Without Prejudice" halos 700,000 units nabenta sa china ang balwarte ni Hu jintao ang taong mahilig sa ballroom dancing at siya ang Paramount Leader, ito yung pinakamataas na leader ng partidong komunista at ng People's republic of china. Minsan tinatanong ko sa sarili ko, Kotse ka ba? Bakit? ang ingles ng kotse ay Car. Wala na ko masabi, makikinig na lng ako ng Kotse ka ba at "Narito Ako" ang kinompose ni Ogie para kantahin ni Regine.

Jovito Palparan

Ako'y isang henyo, dahil sa mahilig ako humukay ng pagkatao ng iba, alamin ang bawat istorya at kaganapan sa ating mundong nakalipas ito'y aking sisimulang isulat at ipalaganap sa lahat.

Ito ay kwento tungkol kay Retired Army General Jovito Palparan and the Fellowship of the ring. Kung napanood niyo na ang Trilogy ng Lord of the Rings makakarelate kayo dito. Si Jovito Palparan si Frodo ang bida at si Gloria Arroyo naman si Gollum. Si gollum ang nakapulot ng singsing ito'y simbolo ng kapangyarihan at kasamaan. Nang manahin ni Frodo ang singsing sa ama niya na si Bilbo na nakakuha ng singsing kay gollum ito'y naging dahilan ng kasamaan ni Palparan as frodo. Nang makauwi kasi si Palparan galing iraq ginawa siyang General ni Gloria, para manahin ang kasamaan ni Gloria. General na si Palparan, Upang masunod ang kagustuhan niya kailangan pa rin niya si Samwise as Renato Corona at Gollum para malaman ang tamang daan.

Magaling na sundalo naman talaga si Jovito Palparan, madami na siya napatay sa basilan, sulu, mindoro, romblon, samar at siya ang commander ng Philippine Humanitarian Contingent composed of 51 troops na ipinadala sa iraq. Pero bakit sa dami ng napatay niya hindi ipinalabas sa "maalaala mo kaya" ang buhay niya, daig pa siya ni Jamaron Sandag. Si jamaron Sandag ang sundalo na pumigil sa isang grupo na Abu sayyaf, halos napatay niya lahat kahit mag-isa lang siya. Si Jong Hilario pa gumanap na bida sa "Maalaala mo kaya".

Ngayon ay sikat nanaman si Palparan dahil pinaghahanap na siya ng tropa ni P'noy. Wala ng Gollum na tutulong sa kanya ngayon at si corono naman ay maiimpeach na. Walang kwenta si Palparan kahit congressman siya ngayon ng Bantay Party List. Hindi naman talaga siya magiging representative ng Bantay kung hindi dahil kay corona, dahil noong 2009 inutos ng Supreme Court na dagdagan pa ng 23 Party list representatives sa congress para makapasok si Palparan.

Hindi dahil sa kabirthday ni Palparan erpat ko at parehas sila ni Bal David nakagraduate sa U.E eh kampi ako sa kanya. Kailangan pa rin niya talaga panagutan ang kasong Extrajudicial abductions and killings, kahit na galit siya sa Komunista eh hindi niya susundin ang Bill of rights. Alam naman natin na bukod sa may Freedom of speech tayo mayroon pang "We have the right to peaceably assemble or prohibiting the petitioning for a governmental redress of grievances" . Kaya kung sino man ang inutusan at pinahintulutan ni Palparan na dukutin at patayin ang ilan sa mga raliyista eh dapat managot sa batas ni corona ang pinakamataas sa ating hudikatura na pilit binabara si NoyNoy na pinakamataas na Ehekutibo, sa Legislatura para sayo sino pinakamagaling? si JDV na bumaligtad kay Gollum, Kay Belmonte na laging Neutral creeps o Pacquiao na Pound for Pound?.

Manila Kingpin: The Asiong Salonga Story

Ako'y isang henyo, dahil sa mahilig ako humukay ng pagkatao ng iba, alamin ang bawat istorya at kaganapan sa ating mundong nakalipas ito'y aking sisimulang isulat at ipalaganap sa lahat.

Aking uumpisahan sa pagkatao ng Gobernador ng Laguna na si Emilio Ramon Pelayo Ejercito III sikat sa pangalang Jeorge "E.R." Estregan Jr. Hindi ako magtataka, pagdating ng panahon tatawagin siyang Action King, Tagapagligtas ng mga naapi o Ang pambansang bayani ng Action film industry. Sasayangin mo ba ang pera mo kung manonood ka lang sa sinehan ng walang katapusang SHAKE,RATTLE and ROLL o ENTENG NG INA MO na madalas mo naman makita ang mga bida sa EAT BULAGA, walang kamatayang LOVE story na bandang huli nagkakatuluyan ang mga bida at sa PANDAY na walang Humpay?

Mabuti pa manood na lang kayo ng "Manila Kingpin: The Asiong Salonga Story". Minana ni E.R Ejercito ang Asiong Salonga Story sa tito niya na si Erap Ejercito Estrada at sa ama niyang si George Estregan. Swerte niya no? isipin mo kung si Dennis Trillo gumanap na Asiong Salonga? kadiri di ba?

Si Asiong Salonga ang Hari ng Tondo. Paano? Minana niya ang trono kay Soliman ang unang Hari ng Tondo noong panahon pa ng kastila. Ang pinagkaiba ni Soliman sa Hari ng Cebu na si Haring Raja Humabon bago nila yakapin ang relihiyon ng kastila ay si Haring Soliman lumaban ngunit napilitang sumuko samantalang si Haring Humabon sa takot na maaring agawin ni Magellan ang asawa niya matapos bigyan ni magellan ng malaking krus na nakadisplay ngayon sa simbahan sa cebu, ang asawa ni humabon nakipagkasundo na lang ito at ginawa ang SANDUGO.

Ang malas lang ni Asiong kay Soliman ang minana niya eh ang mamatay din sa tondo. Si Soliman namatay sa pakikidigma huwag lang maagaw ang tondo, si Asiong namatay habang nakikipag-inuman sa tondo. Paano ba naman makikipag-inuman ka sa tondo doon pa sa mortal enemy mo na si Carlos Capistrano, alias totoy golem

Walang pinagkaiba sa storya ni Kevin "Baby Ama" Calo pinakabatang naging leader ng Sige Sige sa munti. Minana ni Kevin Calo ang alyas na Baby Ama kay Marcial "Baby" Ama ang notoryus sa parehas na kulungan, dahil sa baby face siya hindi siya kinatakutan ngunit ng gahasain ng mga gwardiya ang asawa niyang buntis na dumalaw sa kanya sa kulungan at magpakamatay kasama ang nasa sinapupunan, dito nakilala si baby ama kung paano niya patayin ang mga may atraso sa kanya Dahil sa daming pinatay ni Marcial "Baby" Ama at Kevin "Baby Ama" Calo parehas silang na silya elektrika.

Pero wala pa rin titindi sa congressman namin dito sa Qc, na si Vicente Singson-Crisologo, congressman dati ang ama niyang si Floro Crisologo at kamag-anak niya rin ata si Luis "Chavit" Crisologo Singson. Ang matindi niyan si Vicente Singson-Crisologo matapos siya makulong sa kasong arson eh nakalabas pa at naging congressman. ah basta mgdodownload na lng ako ng Asiong Salonga Ikalawang Aklat (1990) para sa akin ito ang Lord of the rings the two towers ng pilipinas. At idol ko si Jeorge "E.R." Estregan Jr. dahil ang nanay niya at ang nanay ko eh parehas taga-aklan. hehe at makikinig na lang ako sa kanta ni Gloc 9

Kim Jong-un

Ako'y isang henyo, dahil sa mahilig ako humukay ng pagkatao ng iba, alamin ang bawat istorya at kaganapan sa ating mundong nakalipas ito'y aking sisimulang isulat at ipalaganap sa lahat.

Aking uumpisahan sa pagkatao ni Kim Jong-un, Bunso siya sa tatlong anak ni Kim Jong-il ang North Korean Leader. Kamakailan lamang kung inyong nabalitaan ay pumanaw na ang dictador na si Kim Jong-il, kung kaya't itong si Kim Jong-un ang tagapag-mana ng kapangyarihan ng kanyang ama. Swerte no? Parang NoyNoy? naging leader dahil sa magulang. Pero bakit si Bongbong Marcos ay hindi? dahil ba bata pa siya at galit na galit ang taong bayan sa panahong nanunungkulan pa ang kanyang ama? Bakit si Kim Jong-un sa edad na 27 o 28 eh mamumuno na sa North Korea, sa bagay sasambahain din siya ng mga tao katulad ng pagsamba sa ama niya. Naalala ko may napanood akong video kung saan nagiiyakan ang mga korean sa pagkamatay ni Kim Jong-il, aking natuklasan na diyos pala talaga ang turing ng mga korean kay Kim Jong-il at bata pa lang daw ang mga tao dun ay tinuturo na sa kanila ang buong pag-katao ni Kim Jong-il parang Jose Rizal no? Kung ako ikaw, sasambahin mo ba si Kim Jong-un na may dalawang kapatid na ang isa ay hinuli sa japan dahil pineke ang pasaporte makapunta lang sa Tokyo Disneyland at isang kapatid na bakla? Hahangaan mo ba si Noynoy na may kapatid na Kris Aquino? o si BongBong na may kapatid na Aimee Marcos? Balik tayo kay Kim Jong-un ang taong Tiba-tiba, tapos niya ang Computer Science, bihasa siya sa Physics, nasubukan na niya magpanggap,magpalit ng pangalan para makapasok sa pang publikong paaralan at ito ang matindi siya ang magmamana ng NUCLEAR ng kanyang ama kaya mamanahin din niya ang mga kalaban ng kanyang ama, ito yung mga nagboycot noong isang araw sa UN general assembly kung saan ginanap ang tribute para sa kanyang ama. Kung katulad ni hitler si Kim Jong-un baka magkaroon ng World War III. United States, European Union member states, South Korea at Japan Vs. North Korea, China at Hongkong. Match lang kasi kakampi ni Kim Jong-un si Jackie Chan na taga Hongkong. ah basta marami pa ko naiisip kaya lang hindi ko na mapindot ang letter "A" sa keyboard ko kailangan ko na bumili ng bago at papanoorin ko na lang si Chris Paul na lumipat na sa North, hindi sa korea ah sa NBA.